"Sorpresa!" por Arantxa Treus

Esta obra de micrófono-teatro é unha festa de aniversario que Nora (Arantxa Treus), esposa fiel e nai entregada (e empastillada), lle prepara ao seu marido Alvarito de la Heras polo seu 40 aniversario. Quen traerá a SORPRESA?

SORPRESA é unha homenaxe ás nosas nais, mesmo a nós mesmas. É unha historia de segundas oportunidades e de mulleres empoderadas, mulleres que, a pesar de non teren a vida doada e de medrar cunha educación machista, din abonda e collen as rendas da súa vida.

SORPRESA é unha comedia dramática, cunha linguaxe clara e moi directa onde se tratan temas como a amizade, a maternidade, a sexualidade ou a relixión.