🎄 Ponte en marcha en decembro… dende e coa Disciplina Positiva

Un recordatorio suave para un mes cheo de estímulos, tareas e emocións

Chega decembro, e con el unha sensación moi particular: ilusión, luces, encontros… pero tamén présas, tarefas acumuladas, actividades extra, concertos, ceas, compras, listas infinitas e un cansazo emocional que se nota máis aínda no final do trimestre.

Poñerse en marcha en decembro non é tan sinxelo como facer unha lista e cumprila. Para as familias, é un mes no que as emocións se mesturan: nervios, alegría, ansiedade polo que queda por facer, cansazo acumulado desde setembro e a sensación constante de chegar xusto a todo.

E aí é onde a Disciplina Positiva pode ser unha guía marabillosa: non para facer máis, senón para facer desde outro lugar, con máis conexión, calma e realismo.

🧠 Que pasa por dentro neste mes?

Decembro trae máis demandas do habitual: ruído, actividades, cambios de rutina, présas, estímulos e expectativas. E todo iso impacta directamente no sistema nervioso, tanto infantil como adulto.

Cando o contorno se volve máis intenso do que podemos xestionar con comodidade, ocorre a nivel cerebral:

1. Actívase o sistema de alerta

O cerebro interpreta “demasiado” e sobe a intensidade: máis nervios, máis impulsividade, máis irritación, máis dificultade para atender.

2. Baixan as funcións executivas

Organizarse, planificar, esperar ou manter a calma vólvese máis difícil.Non é falta de vontade: é carga emocional.

3. Chega a saturación

O corpo responde acelerándose (hiperactividade, discusións, ganas de correr) ou apagándose (cansazo, bloqueo, choros “porque si”).

Isto pásalles ás crianzas… e tamén ás persoas adultas que acompañan.Non somos robots: somos corpos intentando adaptarse a un mes moi esixente.

🌱 A mirada da Disciplina Positiva

A Disciplina Positiva recórdanos algo esencial: non necesitamos facelo todo, só necesitamos estar conectados.

E para iso propón:

✔️ amabilidade con nós e cos demais

✔️ firmeza para poñer límites ao ritmo

✔️ máis realismo e menos expectativas imposibles

✔️ pequenas rutinas que coidan o vínculo

Este mes non é para “chegar a todo”, senón para chegar xuntos.

✨ Ideas para poñerse en marcha sen perderse polo camiño

🔸Simplificar antes de engadir

Non fai falta facer todas as actividades de Nadal. O que non sume, que non ocupe.

🔸Poñer límites ao que desgasta

Pódese dicir “hoxe non podemos ir” ou “imos quedar na casa que precisamos descansar”.

🔸Cousas pequenas pero constantes

Cinco minutos de conexión valen máis que un día enteiro cheo de présas.

🔸 Regular expectativas

Non todo vai ser perfecto. E non pasa nada.

🔸 Anticipar

Contarlle ao teu peque o que vai pasar reduce moitísimo a tensión.

🔸 Coidar o corpo para coidar a mente

Sono, descanso, aire libre. A base antes que o adorno.

🌷 E para ti, que acompañas

Decembro tamén pesa en ti. Tamén che doe a présa, tamén che cansa sostelo todo, tamén che frustra non chegar.

Un recordo suave: Ti tamén estás en proceso. Non tes que facelo todo perfecto.

🔹 Pide axuda cando a necesites

🔹 Reduce listas

🔹 Celebra o que si se fixo

🔹 Respira antes de reaccionar

🔹 Dáche permiso para parar

Cando ti te coidas, a túa familia respírao.

🌾 Un recordatorio suave

Decembro non vai de cumprir listas. Vai de conexión, de mirar ao teu peque con calma, de estar presente un pouquiño máis. E de entender que o importante non é facer moito, senón facer con sentido.

💬 Como estás vivindo ti este decembro? Tamén notades o cansazo na casa? Lémovos con agarimo.🌻